Përfundojnë bastisjet në veri

14:38 | 25 Tetor 2023
E.H

Policia e Kosovës i ka përfunduar bastisjet e sotme në disa lokacione në veri të vendit, e të cilat kishin të bëjnë me sulmin terrorist të 24 shtatorit në Banjskë

Lajmin për Arbresh.info e ka konfirmuar zëvendësdrejtori i Policisë së Kosovës në veri, Veton Elshani, teksa shtoi se nuk ka të arrestuar.

Bastisje është kryer edhe në shtëpinë e Vladimir Toliqit, i cili ndodhet në paraburgim e që ishte plagosur gjatë sulmit në Banjskë.

Lexo edhe:

Bastiset shtëpia e Vladimir Toliqit, i plagosur gjatë sulmit në Banjskë

Kujtojmë se me 24 shtator u vra heroi Afrim Bunjaku pas një sulmi terrorist serb në Banjskë të Zveçanit.

Në aksionin pasues të Policisë, u vranë tre sulmues, ndërsa pjesa më e madhe e grupit arriti të ikte.

Kosova ka akuzuar Serbinë si shtet për përfshirje në këtë sulm terrorist.

Grupi terrorist kishte lënë prapa armatime të rënda, automjete, uniforma e shumë pajisje të tjera ushtarake me prejardhje nga Serbia./Arbresh.info

Lexo edhe:

Bastisje në disa lokacione në veri për rastin në Banjskë

Lexo edhe:

Edhe dy muaj paraburgim për tre terroristët serbë

Shpërndaje në rrjete sociale

Lajmet më të lexuara

Të ngjashme

Foto lajm